اندليتك
سرمد اسحق اسطيفانا
اندليتك بعد من عندي وين تروح
و يا درب التمرله اهناك تلكاني
يومية اجي و لازم أمرن بيك
من كل الجهات امحاوطك آني
و لأن كلبي سفينة و حبك الأمواج
يا بحر التطبله اتكطعه ذرعاني
و إذا رايد تطير و تعله فوك الغيم
أنا بصف الشمس موجود عنواني
أنا الغنيت حبك باعذب النغمات
و اناشيد العشك تتغنى بالحاني
و انا اللميت شملك من صرت أشلاء
بين أول و ثالث رهمت ثاني
تعال اهنانه يمي و اسمع التنهيد
اقرالك شعر و الغزل وجداني
أنا مو بالقلم اكتبلك الأشعار بوريدي
مرة اكتب مرة شرياني
لنكلي صعب ماكو صعب وياي
جاهز للخطر و مسرفن ارداني
أنا امحضر اكهوة فورها نار الشوك
و لجيتك رجف ملهوف فنجاني
كلت كلمة احبك لا تظنها اقوال
اجسدها بفعل مو بس حجي لساني
تعال لخاطري كافي العمر ديضيع
كلشي و لا تكلي روح و انساني
أنا اخسرت المضى عوضني عما فات
مو كافي العمر خلصته باحزاني
أنا لوعات بيه اهواي حيل اهواي
ما سوتها ليلى بحسن مرواني
أنا ضايع جنت و لكيت نفسي اوياك
لأن نور البوجهك هو دلاني